Parter
Det framgår av vedtektene § 1 at Austevoll Kraftlag SA er eit allmennyttig partlag med skiftande medlemskap og kapital. Dvs. at vi har tilgang og avgang av eigarar. I dag er dei fleste av våre kundar, med fast adresse i Austevoll, medeigar i Austevoll Kraftlag SA.
Vedtektene § 4 stiller krav til kven som kan vere parteigar.
VEDTEKTER VEDRØRANDE PARTEIGARSKAP - §§ 4 OG 5:
-
1- Må vere rettslege einingar som til dømes fysisk person, selskap eller sameige.
-
2- Må vere kundar anten av Kraftlaget eller av selskap som Kraftlaget eig alene eller saman med andre samvirkelag.
-
3- Må ha fast adresse (folkeregistrert) i Austevoll Kommune.
-
4- Styret avgjer med endeleg verknad kven som kan vere parteigarar.
Kjøp
Ved kjøp av part nyttar ein eige søknadsskjema. Giro for innbetaling vil verta tilsendt. Søkjar vil få skriftleg tilbakemelding når søknaden er ferdig behandla. Skjema for kjøp av part.
Overføring
Partbrevet lyder på namn og kan berre byte eigar med godkjenning frå styret. Ved overføring av partbrev nyttar ein eige søknadskjema for eigarskifte/overføring.
Oppdatering
Overtaking av partar i uskifta bu vert ikkje rekna som eigarskifte, men Austevoll Kraftlag SA må få melding slik at vi kan oppdatere eigarregisteret. Til dette nyttar ein eige søknadsskjema for
oppdatering av partsregister.
Innløysing
Ved utmelding av laget eller fråflytting frå Austevoll kommune, skal parteigar få betalt attende partsinnskot gjennom innlevering av
partbrevet. Til dette nyttar ein eige søknadskjema for innløysing.
Når styret har behandla søknaden vert partbrevet tilbakelevert
stempla “ugyldig”. Når ein parteigar ikkje oppfyller krava til eigarskap kan styret kansellere parteigarskapet. Pålydande vil bli tilbakebetalt til parteigar mot innlevering av partbrevet slik det er skildra ovanfor.